Мектепшілік тәжірибе алмасу

2017 жылдың 13.12. күні «№ 3Денисов орта мектебі» КММ жас мамандарға арналып, тәжірибелі, ІІ санатты ұстаз Абдулина А. Т. 1 сыныпта шебер сынып өткізді. Сабақ сауат ашу пәнінен болды. Сабақта оқушылар Ү ү дыбысы мен әрпі туралы білімдерін пысықтай отырып, өздерінің топпен, жұппен және жеке жұмысқа дағдыланып жатқандықтарын көрсете білді. Жас мамандар өздеріне үлгі ретінде сабақта қолданылатын әдіс-тәсілдерді, жаңартылған бағдарлама бойынша бағалау түрлерін көздерімен көрді. Сабақ өте тартымды өтті.

2017 жылдың 14.12. күні «№ 3Денисов орта мектебі» КММ 3 сыныбында қазақ тілінен «Жалаң және жайылма сөйлем» тақырыбында ашық сабақ өтті. Сабақты тәжірибелі, жоғары санатты ұстаз – Улбосын Қайырбекқызы өткізді. Бұл сабақ мектептің жас мамандарына үлгі ретінде мектептің оқу жоспарына сай шебер сынып түрінде өткізіліп, барлық жас мұғалімдер қатысып, өз ойларымен бөлісті. Сабақтың түрлі кезеңдерінде оқушылардың топтаса, жұптаса және жеке жұмыстарды белсенділікпен орындайтындықтарына куә болды.